عجة البيتزا المقلية السريعة

النهاردة اقولكم طريقة عمل عجة البيتزا المقلية السريعة

المقادير 

3 بيضة

معلقة كبيرة دقيق 

معلقة صغىرة بيكنج بودر 

1 طماطم صغيرة

1 فلفل اخضر 

زيتون مقطع 

جبن ابيض مقطع

سمن للقلي

الطريقة سهلة والمكونات اللي عندك في البيت تعملي اجمل فطار

هضربي المكونات مع بعض جيدا زي اللي في الصورة

وناتي بطاسة تيفال ونضع معلقة كبيرة سمن واول ما تتقطح تحط الخليط وتخطي ونهدا النار 

ثم تقلب واحترسي الا تتقطع 

وتاكل بالعيش وتقطع مثل البيتزا

ملحوظة 

ممكن اضافة جبن رومي او موتزريلا او فراخ بايتة بتبقي تحفة

هقولكم طريقة عمل صينية الرقاق باللبن

هقولكم طريقة عمل صينية الرقاق باللبن

المقادير 

رقاق

لبن

سكر 

سمن

فانيليا 

الطريقة 

ناتي بصينية مدهونة سمن ونضع الرقاق بعد تكسيره وممكن اضافة المكسسرت

ونضع شوية سمن ونحط اللبن والسكر ثم توضع في الفرن 

وبالهنا والشفا حبايبي

طريقة عمل كبسه باللحمه

السلام عليكم ورحمة الله وبركاته النهاردة اقولكم طريقة عمل كبسه باللحمه  بس بطريقة مختلفة علي قد الايد

المقادير 

ارز

فلفل وكمون وكاري وقرفة

لحمة مقطعة مكعبات 

بصل مقطع مكعبات 

زيت

الطريقة 

نضع الزيت وعليه البصل ونتركه يموت ثم نضع اللحمة وتقلب حتي يغير لونها فقط وتترك علي نار هادئة حتي تستوي ثم نضيف الارز والتوابل والملح ونقلب شوية ثم نضيف الماء واول ما يغلي نهدء النار

حتي تستوي وبالهنا والشفا 

طعمها جميل جدا حتي ممكن تعمليها بالفراخ 

وممكن اضافه المكسرات بعد تشويحها فى السمن الى الرز بعد ما ننتهى من عمله 

ممكن اضافة ريحة الفحم بتبقي تحفة

طريقة عمل البقلاوة

طريقة عمل البقلاوةصح الصح

المقادير 

دقيق 

معلقة صغىرة سكر 

بطاطس مسلوقة كويس اوي

خميرة بيرة 

ماء دافى 

معلقة كبيرة نشا 

شربات

الطريقة 

تخلط المكونات في الخلاط جيدا وتترك لتختمر لمدة ساعة ثم نقلبها بالمعلقة لنخرج الهواء 

وناتي بمعلقة صغيرة ونحط الصباع الكبير في نصف المعلقة ونشيل العجين ونحطة علي نار عالية عكس بلح الشام بس نسويه علي مرتين عشان يفضل زي ما هو اسبوع 

يصفي من الزيت علي ورق ثم يوضع في الشربات 

وممكن من غير شربات نجيب سكر بودر ونرش عليها 

وتقدم وبالهنا والشفا

طريقة عمل النجرسكو

السلام عليكم ورحمة الله وبركاته 

ازيكو حبايبي النهاردة اقولكم طريقة عمل 

النجرسكو

المقادير 

بشاميل

فراخ معصقة زي اللحمة المفرومة بالظبط 

مكرونة مسلوقة 75 في المية مكرونة اسباجتي

طريقة البشاميل

نقدح 3 معالق كبيرة سمن ونحط فيها 4 معالق كبيرة دقيق

مع التقليب المستمر عشان ما تقلقعش 

ولو كلكعت منك حطيها في الخلاط بيبقي حلو اوي وضيفي اللبن والملح والفلفل 

الطريقه

ناتي باطباق بتدخل الفرن او صينة وندهنها سمن او بشاميل ونضع جزء من المكرونة ثم الفراخ ثم البشاميل ويدخل الفرن حتي يستوي 

وبالهنا والشفا

طريقة عمل كيكة النسكافية

طريقة عمل  كيكة النسكافية

المقادير 

4 بيضة 

فانيليا 

كيس بيكنج بودر 

2 كوب دقيق 

كوب وربع سكر بودر 

كوب حليب 

نصف كوب سمن

معلقة كبيرة نسكافىه 

مكونات الصوص 

نصف كوب سكر بودر 

نصف كوب سمن

معلقة كبيرة نسكافىه 

فانيليا 

الطريقة 

يضرب السمن مع السكر 

ثم يضاف البيض والفانيلا 

يوضع الحليب

يضاف الدقيق مع البيكنج بودر والنسكافية 

يضاف معلقة معلقة مع الضرب 

توضع في صينة مدهونة سمن ومرش

وشة بالدقيق 

الصوص

يضاف مكونات مع بعضها

وتضاف علي الكيكة وهي باردة

وبالهنا والشفا

طريقه عش البطاطس سهله جدا

السلام عليكم ورحمة الله وبركاته 

النهاردة اقولكم وصفه طعمها حلو اوي وسريعة وغير مكلفة خالص

وابني حبها اوي

 عش البطاطس

المقادير 

بطاطس مبشورة 

بيضة

ملح وفلفل 

مرقة دجاج

معلقة كبيرة نشا 

الطريقة 

بعد بشر البطاطس نصفي منها الماء كويس 

ونضيف باقي المقادير 

وانتي ممكن تختارى الطعم اللي نفسك فيه

انا حطيت مرقة دجاج 

ممكن تحطي شطة ولمون لمحبي الشطة 

ونعملها في ايدينا علي شكل دواءر 

ثم تحمر في الزيت 

وبالهنا والشفا 

بجد طعمها حلو اوي وتنفع للفطار والعشاء وممكن تتعمل جمب المشويات كمان

بلح الشام

 طريقة عمل  بلح الشام 

المقادير 

2 كوب ماء 
2 كوب دقيق 
نصف كوب زيت
فانيليا 
2 بيضة 

الطريقة. 

يوضع الماء والزيت علي النار ليغلي ثم يوضع الدقيق واحدة واحدة 
ثم يترك ليبرد
يوضع البيض والفانيلا ثم تعجن وتوضع في كيس بلح الشام 
ويوضع في زيت بارد للتحمير ثم الشربات 

ملحوظة 
لو عايزة يبقي زي اللي باره ناشف 4 ايام مش دري 
تسويه في الزيت نصف سوا ثم بعد ما يبرد تسويه حتي يصل اللون الذهبي 

بجد الحركة دي بتفرق كتيييير 

وكذالك في اليقلاوة

طريقة عمل الكاتشب

السلام عليكم ورحمة الله وبركاته 

النهاردة اقولكم طريقة حاجة طعمها حلو والاطفال بيحبها اوي والكبار كمان بسو انا جبت كذا طريقة من الجوجل بس مش طعمه زي اللي باره لحد ما وصلت لهذه الطريقة وطعمها اجمل كمان

طريقة عمل الكاتشب 

المقادير 

كيلو طماطم 
معلقة كبيرة نشا 
فص ثوم مفروم 
معلقة صغىرة ملح 
معلقة صغىرة سكر 
معلقة كبيرة خل
فلفل اسود وبهارات
شطة حمراء حسب الرغبة 

الطريقة 

توضع الطماطم في ماء مغلي لمدة 5 دقايق تترك لتبرد تخفق في الخلاط ثم تصفي 
يوضع علي النار ويوضع فيه كل المقادير ما عدا النشا ويترك يغلي 
يذاب النشا في شوية ماء  
ويوضع علي نار هادءة مع التقليب حتي يغلظ قوامه 
يترك ليبرد ثم يعبا في زجاجات 

وبالهنا والشفا عليكم يارب

عجينة القطايف

طريقة عمل  عجينة القطايف

المقادير 

كوب ونصف ماء 
كوب دقيق 
خميرة بيرة 
معلقة صغىرة بيكنج بودر
معلقة كبيرة سكر 
فانيليا ربع كوب سميد

الطريقة 

تضرب المقادير جيدا 
وناتي بطاسة تيفال
وقمع ونحط العجينة علي شكل دوائر

واللي نخلصها نغطيها بفوطة 
وبعدين ونعملها زي اي قطايف
نجشيها سودانى ومكسرات 
او نحشيها قشطه او كريمه 
وفى ناس بتحبها بالعسل الاسمر 
وبالهنا والشفا

بيتزا بالجلاش

السلام عليكم ورحمة الله وبركاته 

ازيكو حبايبي النهاردة 

اقولكم طريقة عمل 

بيتزا بالجلاش طعمها حلو اوي 

المقادير 

لفة جلاشسمنكوب لبن بيضة لحمة معصقةطماطم وفلفل وزيتون وجبن بيضة وجبن رومي مبشور

الطريقة 

ناتي بصينية ندهنها سمن ونضع راق جلاش وندهن سمن وراق تاني وهذا حتي نحط نصف بالجلاش ثم اللحمة المعصقة ثم نضع باقي الجلاش مع مراعاه دهن سمن بين كل راق وراق
نضع الطماطم المقطعة مربعات والفلفل والزيتون والجبن الابيض والرومي 
ناتي بطبق ونحط فيه اللبن والبيض وشوية ملح ويضرب ويضاف للجلاش ثم يوضع في الفرن 
وبعد ان يبرد شوية يقطع زي البيتزا وبالهنا والشفا 

طعمها حلو اوي اوي جربوها هتحبوها

ارز باللبن فرن

ارز باللبن فرن زي اللي باره بالطبط

جربت طرق كتير لانه كان عاجبني لحد ما وصلت للطريقة طعمه زي اللي بيتباع بالطبط والسعر اقل بكثير 

المقادير 
كيلو لبن 
فانيليا 
كوب الا ربع سكر 
كوب واحد ارز
معلقتين كبيرتين نشا 

الطريقة 
يوضع الارز علي النار ومعاه شويه ماء  ونهدي عليه حتي يستوي 
70 في المية 
ونضع اللبن والسكر 
ثم نضع في طبق خارجي النشا ونذوبه بشوية ماية ونضيفة علي الحلة بالتدريج مع التقليب المستمر
ويوضع في اطباق التي توضع في الفرن 
لاتخافى هتيبقي خفيفة بس هتبقي زي اللي باره بالطبط 
وتوضع في فرن حتي تحصل علي اللون المطلوب ويخطي
لابد ان يخطي ويوضع في الثلاجة وتاني يوم توقي اجمل ارز باللبن

مكرونة بالكبد والقوانص

مكرونة بالكبد والقوانص

المقادير 

كبدة وقوانص مقطعة مكعبات صغيرة 
ملح وفلفل وكمون 
بصل مقطع مكعبات 
زيت
مكرونة مسلوقة 75 في المية
طماطم متسبكة بدون اضافة شي الا زيت


الطريقة 
ناتي بحلة ونضع زيت ثم نضع بصل ونتركه حتي يموت
ثم نضع الكبدة والقوانص والتوابل وطبعا الملح 
ونتركه حتي يستوي 
نضع الطماطم ونقلب
ثم نضع المكرونة ويقلب ويترك علي نار هادءة حتي تستوي 

طريقة عمل كب كيك لاطفال

طريقة عمل كب كيك لاطفال

المقادير

كوب سكر بودر ٢ بيضة ٢ كوب دقيق بيكنج بودر فانيليا ٣ حبات موز نصف كوب سمن الطريقة
يضرب السمن مع السكر جيدا ثم نضيف البيض والفانيلا ثم الدقيق والبيكنح بودر ونهرس الموز ونضربه كويس يصب في قوالب الكب كيك مدهونة سمن ومرشوشة بالدقيق وبالهنا والشفا



معذى جدا

طريقة عمل الدونتس

 طريقة عمل الدونتس 

المقادير 

كيلو دقيق 
٢ بيضة 
خميرة بيرة 
ربع كوب سمن 
رشة ملح 
معلقة كبيرة سكر 
ربع كوب لبن بودرة 
٢ ونصف ماء دافى 

طبعا المقادير دي بتعمل كمية كبيرة جدا 
انتي جربي في نصف المقادير بس
وامشي زي الوصفة بالطبط 

الطريقة 

نضع شوية ماء دافى يعني مش سخن اوي ولا فاتر لازم يكون دافى 
ونضع عليه السكر والخميرة ورشة دقيق ونقلبهم كويس ويغطي حتي يعمل وش
لو عمل وش زي النسكافية يبقي تمام لو معملشي ارميها واعملي وحدة تانية 

نقلب باقي المقادير مع بعض ونعجن حتي تصبح عجينة ملساء ثم تترك لتختمر لمدة ساعة ونصف 
نفرد العجينة ونقطعها ولو ما معندكيش قطاعة 
انا عملت الداءرة الكبيرة بالكوباية. الزجاج
والداءرة الصغيرة عملتها بغطاء زجاجة بيبسي 

وبعد قطعها نتركها تختمر مرة اخري لمدة نصف ساعة 

ناتي بزيت مغلي ونقلي الدونتس لا تقلقي هو لا يشرب زيت 
حتي يؤخذ اللون الذهبي 
ممكن تحشيه مربي وتزوقيه علي مزاجك 

انا جربت كذا طريقة من النت وهي دي اكتر حاجة نفعت معايا وكانت تحفة تحفة بجد 

طريقة عمل كيكة الجبن

السلام عليكم ورحمة الله وبركاته 

طريقة عمل كيكة الجبن

المقادير 

٢ كوب دقيق 
باكو بيكنج بودر 
نصف معلقة صغىرة ملح 
نصف كوب سمن 
كوب لبن 
كوب جبن ابيض 

الطريقة 

يضرب السمن مع الجبن 
ثم نضيف اللبن ثم البيض والملح ثم نضيف البودر مع الدقيق ويضاف معلقة معلقة وتوضع في صينة مدهونة سمن ومرشوشة بالدقيق 

تحفة وهاتحبوها اوي

اجمل جبنة كريمي للفطار

طريقة عمل اجمل جبنة كريمي للفطار 

المقادير 


جبن قريش
لبن
خيار مقطع صغير جدا


الطريقة 

بالمضرب الكهربائي نضرب نضرب المقادير جيدا جيدا حتي تكون مثل الكريمة ونضيف شوية زيت

وحطي الخيار علي الوجه 


طعمها حلو اوى اوى اوى 

مشروب الليمون باللبن

السلام عليكم ورحمة الله وبركاته ازيكو عاملين ايه النهاردة اقولكم طريقة عمل  اجمل مشروب طعمه حلو اوي اوي 


المقادير غير مكلفة خالص وتبهري بيها ضيوفك
ومفيد جدا. لا طفال


المقادير 

٣ عدد ليمون منزوع البذر
كوب لبن
كوبين ماء
ثلج
سكر

الطريقة 

تضرب المقادير جيدا في الخلاط ثم يصفي 
ويشرب اجمل عصير

مهدي للاعصاب

جربوها هتدعولي والله

طريقة عمل الرز المعمر الحادق

السلام عليكم ورحمة الله وبركاته
 ازيكو عاملين ايه النهاردة اقولكم


 طريقة عمل الرز المعمر الحادق 

إغلى اللبن وإغسلى الأرز وهاتى صينيه حطى فيها الأرز وإدعكيه بازبده كويس أوى وبعدين بشوية زيت صغيرين عشان يطلع معاكى مفلفل وحلو وبعين إظبطى الملح وحطى اللبن عليه وقطعى قطع زبده ورصيها عليه على الوش ودخليه الفرن فى الوسط .وبالهنا والشفا لسه كنت عامله صينيه قريب وكانت جميله أوى بالنسبه للمقادير على حسب الصينيه اللى هاتعمليها أنا كمان كان عندى شوربة لحمة حطيت كوباية شوربه وبراحتك بقى

 

كيكة الشيكولاتة

عليكم ورحمة الله وبركاته ازيكو عاملين ايه النهاردة اقولكم طريقة عمل كيكة حلوة اوى
كيكة الشيكولاتة 

المقادير 

كوب ونصف دقيق 
كيس بيكنج بودر 
كوب سكر بودر 
فانيليا 
٣ معالق كاكاو 
نصف كوب سمن 
٤ بيضة 

الطريقة 

يضرب السمن مع السكر 
ثم نضيف البيض والفانيلا 
يخلط البودر مع الدقيق والكاكاو 
يضاف معلقة معلقة مع الضرب 

يصب في صينة مدهونة سمن ومرشوشة بالدقيق 


وندخل الفرن 

ممكن تسقي بالشربات وتبقي تحفة جدا 

بالهنا والشفا

طريقة للكباب حلوة اوي

اقولكم طريقة للكباب حلوة اوي

المقادير 


لحمة مسلوقة ٧٥ في المية مقطعة مكعبات 

ملح وفلفل وكمون وزعتر 

زييت وخل وعصير ليمون

طماطم وفلفل اخضر مكعبات 

الطريقة 


نضع اللحم مع التوابل والمقادير كلها ما عدا الطماطم والفلفل 

يترك علي الاقل ساعتين عشان تتبل
ثم ناتي بسيخ كباب او شيش طاووك

ونحط بالترتيب واحدة واحدة فلفل واحدة طماطم واحدة لحمة
ونضعها علي الشواية حتي تستوي 

وبالهنا والشفا 

ملحوظة 

لو مش عندك شواية ممكن الشواية اللي فوق في فرن البوتاجاز 
زيها زي الشواية بالضبط

تحفة تحفة تحفة جدا جربوبها مش هتكلو اللحمة بعد كده الا بالطريقة دي

طريقة عمل الكرواسون المقلي

السلام عليكم ورحمة الله وبركاته 

النهاردة اقولكم 

طريقة عمل الكرواسون المقلي 

وده سهل اوي ومكوناته موجودة في البيت بالاطفال والكبار يحبوه وممكن يتعمل جمب اي اكل والطريقة سهلة وبسيطة 

هذه المقادير تعمل عدد ١٦ قطعة 

المقادير 
٢ كوب دقيق 
معلقة صغىرة بيكنج بودر 
معلقة صغىرة ملح 
معلقة صغىرة سكر 
٤ معالق كبيرة زيت
٢ معلقة زبادي

الطريقة 
تضاف المقادير مع بعض جيدا ويضاف ماء دافى حتي تصبح العجينة لينه وتترك شوية ترتاح 
تقسم لاثنين 
كل واحدة هتعمل ٨ 

نفردها داءرة زي البيتزا وتقطع مثلثات. مثلها بالضبط
وناتي كل مثلث لوحده 
ونضع الحشو اللي انتي عايزاه 
ان شاء الله يكون جبنة قريش بتبقي تحفة 
وممكن طماطم كمان 
نحط الحشو علي الحتة العريضة من المثلث ويلف  مثل الكرواسون 

وناتي واحدة واحدة 
ونجيب بيضة مخفوقة ونحطها ثم نقليها حتي تاخذ اللون الذهبي

والله طعمها تحفة كمان لما بتبات في الثلاجة طعمها بيحلو وتنفع لاطفال في المدرسة 

ملحوظة خذي بالك من مقادير البيكنج بودر زي ما قولت بالطبظ لا تزويدي ولا تقلي 

وبالهنا والشفا

طريقه عمل السويسرول

السويسرول 

شبه الهوهوز بالطبط

المقادير 

نصف كوب دقيق 

نصف كوب سكر بودر 
بيكنج بودر كيس
فانيليا 
٣ عدد بيضة 

مقادير ها بسيطة جدا وطعمها حلو اوي 

الطريقة 

يضرب البيض والفانيلا مع بعض. 
يضاف السكر 
ثم يقلب البودر مع الدقيق 
ويضاف معلقة معلقة مع الضرب 
ثم توضع في صينة مدهونة سمن ومرشوشة بالدقيق وتكون مستطيلة

حتلايها رفيعة جدا مش بتاخذ وقت في السواء خالص 
ودلوقتي معاكي كيكة بتتلف زي الرول 

ممكن تتحشي مربي او كريمة وتلفيها 
وتجيبي فوطة مبلولة بسيط وتلفيها وتسبيها شوية 
وممكن تحطي علي الوجه شيكولاتة 
وتقطع زي الهوهوز 

جربوها هتدعولي 

وممكن لو رايحة لضيوف تعملي زيها وهيفرحوا بيها اوي